Lionel Messi ka paralajmëruar se në sezonin e ardhshëm do të jetë ndryshe.
Ai në sezonin e parë (2021/22) me Paris Saint-Germainin ishte larg atij që ishim mësuar ta shohim te Barcelona, shkruan Gazeta Express.
“Sezoni i ardhshëm do të jetë shumë më i mirë për mua me Paris Saint-Germain, jam i sigurt”, tha Messi për “TyC Sports”.
“Nuk ishte e lehtë pas asaj vere të çmendur. Ishte vërtet e vështirë të kuptoja se çfarë ndodhi, nuk prisja të largohesha nga Barcelona – ishte një tronditje”, shtoi ai.
34-vjeçari tha se tani është ambientuar më mirë dhe se kjo mund t’i ndihmojë atij për sezonin e ardhshëm.
“Duke menduar për mua, individualisht dhe atë që ndodhi këtë vit, mendoj të jem në gjendje ta kthej situatën, të mos kem ndjenjën se kam ndryshuar klub dhe se nuk më ka shkuar mirë. E di që ky vit do të jetë ndryshe, tashmë jam i përgatitur për atë që do të vijë, e njoh klubin, e njoh qytetin, jam pak më rehat me dhomën e zhveshjes, me shokët e mi dhe e di që do të jetë më ndryshe”, deklaroi sulmuesi argjentinas.
Shtatë herë fituesi i “Topit të Artë” me Paris Saint-Germainin ka kontratë të vlefshme deri më 30 qershor të vitit të ardhshëm.
Në marrëveshjes mes tij dhe klubit francez ekziston edhe opsioni që Messi të vazhdojë kontratën edhe për një tjetër vit. /Gazeta Express/
