Marko Djuric, ambasador i Serbisë në SHBA është takuar me përfaqësuesin special të SHBA’së për Ballkanin Perëndimor, Gabriel Escobar, një ditë para takimit të nivelit të lartë mes presidenti serb Aleksandar Vucic dhe kryeministrit të Kosovës Albin Kurti në Bruskel.
Diplomai serb ka theksuar edhe se ai me Escobar ka biseduar edhe për dialogun Kosovë-Serbi si dhe, siç thotë ai, për fuqizimin e bashkëpunimit bilateral mes Serbisë dhe SHBA’së në të gjitha fushat.
“Biseduam për procesin e dialogut Beograd-Prishtinë, si dhe për planet e fuqizimit të bashkëpunimit bilateral mes Serbisë dhe SHBA’së në të gjitha fushat.”
Djuric pretendon se Serbia ka marrëdhënie të mira me SHBA’të dhe BE’në, përkundër se pak kohë më parë Aleksandar Vulin, shefi i Agjencisë së Inteligjencës së Serbisë u sanksionua pikërisht nga SHBA’të. Obligative si zakonisht është tendenca për ta paraqitur vetëm njërën palë si pengesën kryesore të rrjedhës së dialogut, dhe si zakonisht kryeministrin Albin Kurti.
“Gjatë takimit, posaçërisht e theksova në provokimet e përditshme ndaj të cilave është e ekspozuar komuniteti serb në Kosovë e Metohi. Presioni diskriminues dhe jo demokratik dhe shpesh i dhunshëm ndaj serbëve, dhe tentimi i krijimit të përçarjes mes Beogradit dhe partnerëve në SHBA dhe BE është politika e vetme e Albin Kurtit. E ndava me të besimin se një politikë e tillë nuk ka të ardhme. Beogradi mbetet fuqishëm i përkushtuar për paqe bashkëpunim dhe politikën e të ardhmes”, ka shkruar ai në X.
