Një mision shpëtimi është duke u zhvilluar në malin Eiger në Alpet zvicerane, pasi disa persona dyshohet se janë zënë nga një ortek. Ngjarja ndodhi të shtunën, pak pas mesditës, bëri të ditur policia e Kantonit të Bernës në një deklaratë përmes rrjeteve sociale.
Autoritetet njoftuan se kanë nisur një operacion të gjerë kërkim-shpëtimi, duke angazhuar disa ekipe profesionale për të gjetur dhe ndihmuar personat e bllokuar nga orteku, transmeton BBC.
Maja Eiger, me lartësi prej 3,967 metrash, ndodhet pranë zonave turistike të njohura si Grindelwald, Lauterbrunnen dhe Wengen – të cilat janë destinacione të njohura për sportet dimërore dhe alpinistët. Ende nuk janë dhënë detaje mbi numrin e personave të përfshirë ose gjendjen e tyre.
