Pamje aspak të mira kanë ardhur nga Superliga e Kosovës në Hendboll, aty ku lojtarët e Trepçës janë sulmuar nga lojtarët dhe tifozët e Vushtrrisë, në një ndeshje aspak të rëndësishme për renditjen tabelore, pasi të dy skuadrat kanë siguruar kualifikimin në play-off më parë.
Dhuna shpërtheu kur skuadra nga Mitrovica ishte duke fituar me rezultat 21-17, saktësisht në pjesën e dytë të takimit, me çka ndeshje u ndërprit.
Përleshja nisi në sekondat e para të pjesës së dytë, me një faull që u referua për Vushtrrinë. Ndërkaq lojtari që shkaktoi faullin pretendoi se u godit nga lojtarët vendas, duke kërkuar ndihmën mjekësore. Me të hyrë mjekët në parket erdhi edhe portieri i skuadrës vendase që shihet në pamje duke filluar sulmet me grushte, që më pas u përfshinë edhe bashkëlojtarët tjerë si dhe tifozët vendas.
Mysafirët arritën të largoheshin nga parketi, me forcat policore të pranishme në parket që zbrazen tribunat tërësisht.
Ende nuk dihet nëse ndeshja do të rifillojë apo jo. Të dy skuadrat që po përballeshin sot, kanë siguruar play-offin nga vendi i dytë dhe i tretë, respektivisht.
