Izraeli ka sulmuar me dronë disa objektiva të militantëve palestinezë në Bregun Perëndimorë të hënën në mëngjes ndërsa gjithashtu disa qindra trupa janë vendosur në afërsi pamje të cilat sipas njohësve kanë kujtuar kohë e kryengritjes së dytë palestineze 2 dekada më parë. Autoritetet palestineze kanë thënë se së paku pesë palestinezë janë vrarë në këtë aksion të Izraelit.
Forcat izraelite kanë hyrë brenda kampit të refugjatëve në Jenin. Ky aksion brenda këtij kampi është më i madhi që nga fillimi i luftimeve gati një vjet më parë. Krizës në Bregun Perëndimorë i ka ndihmuar në eskalim edhe planet izraelite për ndërtimin e vendbanimeve të reja hebraike në këtë rajon.
Në vendin e ngjarjes është parë tym i zi duke dalë nga rrugët e ngarkuara të kampit teksa ushtria po avanconte. Elektriciteti i kampit është prerë në disa pjesë dhe mjete ushtarake të rënda kanë hyrë brenda në kamp. Palestinezët dhe Jordania kanë dënuar dhunën e përdorur në këtë aksion, raporton The Associated Press.
