Një incident zjarri ka ndodhur mbrëmë në qendër të Rahovecit, saktësisht në rrugën ‘Malush Meriqi’, ku në rrethana të panjohura një shtëpi është përfshirë nga flakët. Lajmi tashmë është konfirmuar edhe nga Policiam, të cilët kanë njoftuar se nga zjarri është përfshirë edhe kulmi i një shtëpie tjetër.
Sipas informacioneve të para, ngjarja ka ndodhur rreth orës 22:15.
Në vendin e ngjarjes kanë dalë njësitet policore, bashkë me zjarrfikësit, të cilët kanë ndërhyrë për lokalizimin dhe shuarjen e zjarrit.
Si pasojë e shpërthimit të zjarrit janë shkaktuar dëme të konsiderueshme materiale, ndërkaq nuk është raportuar për të lënduar.
“Raportohet se në rrethana të pa njohur në zjarr është përfshirë shtëpia e ankuesit mashkull kosovar, ndërsa nga zjarri është përfshirë edhe kulmi i një shtëpie tjetër afër saj me ankues mashkull kosovar. Zjarrfikësit kanë shuar zjarrin. Nuk raportohet për të lënduar”, kanë thënë nga Policia.
