Policia e Kosovës ka dalë me njoftim të ri lidhur me shpërthimin pas mesnate në objektin e Postës së Kosovës në Zveçan, duke i dënuar këto veprime të cilat i quajtën të rrezikshme, raporton GazetaDemos.
Sipas Policisë, persona të panjohur kanë hedhur 2 granata dore në objekt, ku njërën prej tyre e kishin gjetur të pashpërthyer brenda mureve të Postës.
Të njëjtën njësia e specializuar për trajtimin e mjeteve eksplozive e kanë shpërthyer në mënyrë të kontrolluar.
“Njësia anti-terror janë duke punuar intensivisht për të zbuluar autorët e këtij shpërthimi. Në lidhje me rastin është njoftuar prokurori i Shtetit, i cili ka udhëzuar që rasti të iniciohet si “Shkaktim i rrezikut të përgjithshëm”, thuhet në reagimin e tyre.
Ky institucion po ashtu bëri apel tek qytetarët që të bashkëpunojnë me autoritetet për të ndihmuar në identifikimin e autorëve të këtij shpërthimi
“Çdo informacion që mund të ndihmojë hetimet mund të raportohet në numrat e Policisë apo përmes linjave të besueshme të raportimit”.
Njoftimi i plotë:
Hidhet mjet shpërthyes (granat dore) në objektin e Postës së Kosovës në Zveçan
Mitrovicë Veri , 01 Prill 2025
Me datën 01.04.2025 rreth orës 00:20 person/a të panjohur kanë hedhur dy (2) granata dore në objektin e Postes se Kosovës në Zveçan. Si pasojë e shpërthimit të njërës granat janë shkaktuar dëme materiale, mirëpo nuk është raportuar për të lënduar. Njësitet policore relevante pasi kane dale ne vend te ngjarjes kanë vërejtur se brenda objektit gjendet edhe një granatë e pa shpërthyer, ku ne lidhje me këtë njësitë policore paraprakisht kanë bërë sigurimin e vendit te ngjarjes, ndërsa banoret janë evakuuar për një kohë, deri sa nga njësia e specializuar për trajtimin e mjeteve eksplozive kanë bërë shpërthimin e granatës në mënyrë të kontrolluar.
Njësia anti-terror janë duke punuar intensivisht për të zbuluar autorët e këtij shpërthimi. Në lidhje me rastin është njoftuar prokurori i Shtetit, i cili ka udhëzuar që rasti të iniciohet si “Shkaktim i rrezikut të përgjithshëm”.
