H.B., 30-vjeç, ka vdekur si pasojë e lëndimeve të marra nga të shtënat me armë zjarri që kanë ndodhur dje rreth orës 14:00 në magjistralen Ferizaj-Kaçanik, saktësisht tek vendi i quajtur “Fusha Pajtimit. I plagosur ka mbetur edhe vëllai i tij K.B., 32-vjeç, i cili është dërguar menjëherë në spital për trajtim mjekësor.
Policia e Kosovës është në kërkim të të dyshuarve të kësaj ngjarje.
Dëshmitarë të rastit prapa kamerave kanë deklaruar për RTV Dukagjinin, se në momentin e atentatit viktima ka qenë në veturën e tij derisa është qëlluar me automatikë nga tre persona.
Sipas tyre pak momente më vonë është qëlluar edhe në drejtim të vëllait të viktimës, i cili ka mbetur i plagosur.
Gazetari po ashtu raporton se në bazë të informatave nga vendi i ngjarjes, viktima kishte ardhur në Kosovë për pushime ditën e premte.
Tragjedia në Kaçanik: Ky është viktima dhe i dyshuari për vrasjen
Një ngjarje e rëndë ka ndodhur sot në fshatin Dubravë të Kaçanikut, ku si pasojë e të shtënave me armë zjarri, një person ka ndërruar jetë teksa një tjetër ka mbetur i plagosur.
Lexo me shumë
lajmi.net
Lidhur me rastin është deklaruar edhe Policia e Kosovës.
“Policia Rajonale e Ferizajt me datë 10.05.2022 në ora 14:00 ka pranuar një informacion së në rrugën magjistrale Ferizaj – Kaçanik tek vendi i quajtur “Fusha Pajtimit, përball” Varrezave të Dëshmorëve’’ në Kaçanik, nga arma e zjarrit, dy persona kanë pësuar plagë trupore dhe për pasojë në vendin e ngjarjes ka ndërruar jetë personi me inicialet H.B ( M/K) i moshës 30 vjeçar, vdekja e të cilit është konfirmuar nga mjekët kujdestarë, ndërsa plagë të rënda trupore ka pësuar edhe personi i dytë me inicialet K.B ( M/K) i moshës 32 vjeçar i cili për ndihmë mjekësore është dërguar në Qendrën Emergjente në Ferizaj, e më pas për tretman të mëtutjeshëm mjekësor është dërguar në Qendrën Klinike Universitare ( QKUK) në Prishtinë .
Sipas komunikatës zyrtare të Prokurorisë, ende nuk janë bërë të ditura motivet e vrasjes. Rasti, siç njofton Prokuroria, po trajtohet si “Vrasje e rëndë”.
