Afër pikës kufitare që ndan Kosovën me Serbinë, në fshatin Izvor të Komunës së Zveçanit dyshohej që për një kohë të gjatë zhvilloheshin aktivitete kriminale.
Andaj njësitet policore, dogana dhe ekipet anti-drogë e rrethuan këtë zonë, në të cilën ishte i pranishëm një ekip i TËVË1 gjatë mbrëmjes të së hënës.
Pikërisht në këtë vend u gjet një laborator i madh droge që kishte vlerë deri në 6 milionë euro e pajisje 1.5 milion euro.
Burimet e televizionit mësojnë që ky laborator i përket Sinisa Nedelijkovic, i cili figuron në listën e zeze të Shteteve të Bashkuara të Amerikës.
Gjatë këtij operacioni që rezultoi në gjetjen e 10 mijë fijeve të bimëve Policia e Kosovës u sulmime armë zjarri.
Por i tërë aksioni përfundoi pa lëndime në njerëz.
Teksa pas përfundimit të aksionit, droga u asgjësua.
Pas aksionit reagoi edhe vetë shefi i qeverisë, Albin Kurti. Nga Davosi i Zvicrës i pari i ekzekutivit tha se krimi do të luftohet pa ndërprerje.
