Një vit e gjysmë ka kaluar nga dita kur kryeministri Albin Kurti ishte mburrur me ecurinë e punëve në ndërtimin e autostradës Prishtinë-Gjilan.
Më 21 korrik të vitit 2023, kishte inspektuar punimet dhe kishte thënë se projekti do përfundonte brenda vitit, raporton Klan Kosova.
Por, as tash në muajin e dytë të vitit 2025, kjo autostradë nuk është as afër përfundimit. Madje ministri i Mjedisit, Planifikimit Hapësinor dhe Infrastrukturës, Liburn Aliu, në një konferencë për media më 23 tetor 2024 kur ishte pyetur për punimet, kishte thënë se po përton të flasë për këtë autostradë.
