Deputeti Armend Muja i është drejtuar të Dërguarit të BE-së për dialogun, Miroslav Lajçak, duke i thënë se nuk duhet të vendoset në pozicion midis zgjedhjes së institucioneve dhe strukturave ilegale.
Këtë Muja e ka thënë lidhur me deklaratën e Lajçak se ndihet i shqetësuar “nga ato që ka dëgjuar në veri” ditë më parë.
“Aleksandar Filipoviq, një nga shumë personat pjesë të strukturave paralele që dirigjohen nga Beogradi. Andaj, Lajçaku është mirë të mos kërkojë mes, mes krimit dhe ligjit. Mes ilegalitetit e legalitetit. Mes institucioneve shtetërore e strukturave ilegale”, ka shkruar Muja.
“Ai para se të gjithash duhet të ishte i shqetësuar me shkeljen direkte të marrëveshjes së Brukselit me këso veprimesh nga Beogradi. Në veri shqetësim është kriminaliteti i dirigjuar nga Serbia e Vuçiqi, asgjë tjetër”.
