Një veturë e Grupit KOHA është demoluar tërësisht nga huliganët në Zveçan, mbrëmjen e së hënës. Ekipi që ka shkuar për të raportuar të martën ka parë gjendjen e veturës.
Veturës i janë thyer të gjithë xhamat, gomat i janë shpërthyer e është mbushur me mbishkrime të serbëve.
Vetura është mbushur edhe me shkronjën “Z”, simbol i luftës së Rusisë në Ukrainë.
Edhe të premten, një veturë e KOHËS pësoi nga huliganët. Atë ditë ishte thyer xhami me gurë.
Në Zveçan ka qenë gjendja më e tensionuar të hënën. Janë plagosur 25 ushtarë të KFOR-it, ndërsa kanë pësuar disa ekipe mediumesh.
