Me pretendu që Ronela Hajati me ‘Sekret’ është këngë e mirë dhe përfaqësim i mirë në Eurovizion, duhet të jeni më shumë se sa deluzionar.
Projekti si i plotë është skandaloz, duke filluar nga teksti i pa kuptimtë, deri te përformanca e këngëtares, ku zëri nuk është aspak në nivel, veshja shumë vulgare, duke vazhduar me vallëzim dhe koreografi të dobët.
Eurovizioni si koncept është shumë jo bashkëkohor, ndër vite kemi parë përformanca vulgare nga të gjitha vendet pjesëmarrëse.
Megjithatë nuk e kuptoj aspak entuziazmin e shqiptarëve kur vije puna te Eurovizioni, në një kohë kur Dua Lipa dominon muzikën botërore, ne akoma mendojmë që përfaqësimi ynë me se miri behet ne Eurovizion.
E përkundër faktit që këtë festival e marrim shumë seriozisht, këngët që i përzgjedhim të na përfaqësojnë në festivalin e ëndrrave tona, çuditërisht asnjëherë nuk janë reprezentative, e as të punuara mirë, përjashtojmë këtu Rona Nishliun me Suus.
Se si besonte Ronela ne veten, e si besonin edhe dashamirësit e muzikës shqiptare se me atë përformance mediokër mund te shkohet tutje, nuk e kuptova ende?
Se Ronela nuk merr vesh fare nga muzika dihet, mjafton t’i shikoni projektet e saj, as edhe një këngë nuk e ka te realizuar mirë. Madje nder vite qe pretendon te ndërtoj karriere këngëtarja nuk ka arritur kurrë të krijoj identitet, ne fillimet e saj imitonte Genta Ismajlin e me pas sikurse gjeti veten ne imitimin e Jennifer Lopez.
Por që jemi kaq të pa gdhendur për muzikë në shkallë kaq të lartë e ne masë kaq të madhe edhe ne si publik se kisha menduar, ky fakt përveç që me habitë, edhe me shqetëson.
Sido që të jetë pavarësisht që Eurovizioni është festival i dështuar, nuk doli të jetë i dështuar në atë masë sa një projekt idiot si ai i Roneles ta kaloj në finale./Insajderi
