Deputetja e PDK-së, Blerta Deliu-Kodra ka kritikuar punën dyvjeçare të Presidentës së Kosovës, Vjosa Osmani, përcjell Gazeta Papirus.
Deliu-Kodra tha se në këto dy vjet si presidente të vetmën gjë që e ka bërë si duhet Osmani ka qenë servilizmi ndaj Kryeminitrit Kurti.
Ajo shtoi se një president si Osmani nuk e ka në plan të parë vullnetin e as interesin e qytetarëve.
Për më tepër, ajo e fajëson Presidenten Osmani për faktin se gjatë mandatit të saj si udhëheqësja e Kosovës asnjë njohje e re nuk ka ardhur për vendin.
Postimi i plotë i saj pa ndërhyrje:
“DY VJET PRESIDENCË ME TË VETMIN REZULTAT SERVILIZMIN NDAJ KRYEMINISTRIT
Një Presidente e cila e ka reduktuar rolin e saj në notere të Kryeministrit nuk mund të flas për vullnet qytetar dhe për mbrojte të interesit të qytetarëve të Republikës së Kosovës.
Dy vite të Vjosa Osmanit në Presidencë simbolizohen me servilitet ndaj Albin Kurtit dhe asnjë rezultat të vetëm konkret në kompetencat e saj kushtetuese.
Asnjë njohje, asnjë anëtarësim i Kosovës në organizata ndërkombëtare, asnjë angazhim konsistent.
Asnjë fuqizim të subjektivitetit tonë ndërkombëtar.
Mbetet e njohur për sulmet ndaj oponentëve politik të cilët sot nuk kanë mundesi të kundërpërgjigjen, sepse padrejtesisht gjykohen për luftën e UÇK-së.”/Gazeta Papirus/
