Politika po i shtyn mediat të mos e thonë të vërtetën gjithmonë. Kështu të paktën po tregon raporti ‘Prapa ekraneve’ të gjendjes së çrregullimit informativ, që u bë publik të martën.
Aty u tha se dezinformatat shpërndahen më së shumti kur ka ngjarje politike, e sidomos ato që lidhen me raportet Kosovë-Serbi, raporton Klan Kosova.
Në shumicën e herëve, mashtrime ka për ndodhitë në veri të vendit. Kështu, 58% e keqinformimeve nga atje janë publikuar nga mediat në gjuhën shqipe, ndërsa, 39% nga ato në gjuhën serbe.
“Në shumicën e rasteve kur veriu është i qetë stimulohet narrativi se serbët në Kosovë janë të kërcënuar se ekziston një plan i fshehtë nga institucionet e Kosovës për të dëbuar nga Kosova… Temat e keqinformimit edhe këtu veriu ka qenë dominant 10 për qind”, ka thënë Shkelzen Osmani nga platforma që ka publikuar këtë hulumtim, Hibrid.info.
Pos politikës, shtëpitë mediale në Kosovë kanë keqinformuar me të madhe edhe për çështjet sociale.
Derisa, policia doli të jetë nga institucionet më të përfolura. Prapa nuk qëndron as i pari i ekzekutivit kosovar, Albin Kurti, i cili sivjet vazhdon të jetë personaliteti më i përmendur në media
