Anëtari i Kryesisë së Vetëvendosjes, Elvis Hoxha, ka reaguar pas lirimit të tre policëve kosovarë që u kidnapuan nga policia serbe në brezin kufitar në veri.
Hoxha është kapur me Borellin, Lajçakun, Escobarin, Grenellin dhe Ramën, duke thënë se ata tash këtë veprime shohin si “një gjest deeskalimi nga ana e Serbisë.”
“Nuk pres që ata t’i kërkojnë Serbisë llogari se përse e kreu një gjest të cilin vetë gjykata serbe e shpalli të padrejtë. Përkundrazi pres që të dëgjoj dhe lexoj kudo sesi e përshëndesin aktin e Serbisë. Në një situatë ku drejtësia do të ishte më aktive do të dëgjonim shumë përfaqësues të lartë t’i drejtoheshin Serbisë me këshillën për mos me i përsërit akte të tillë agresioni mbi shtetin fqinj.” – ka shkruar ndër të tjera ai.
Më tej, ai i ka ofeduar ata duke thënë se “zotërojnë një inteligjencë të kufizuar.”.
Reagimi i tij:
Po pres që Borrelli, Lajçaku, Escobari, Grenelli dhe Rama ta quajnë lirimin e tre policëve të rrëmbyer si një gjest deeskalimi nga ana e Serbisë. Me shumë mundësi do ta konsiderojnë pra një gjest të mirë.
Natyrisht që do të përdorin për këtë një rregull absurd logjik: “Dikush është i mirë sepse po të kthen paret që të ka vjedhur”. Normalisht, pasi të të ketë kthyer paret ai duhet të marrë edhe një ndëshkim për gjestin e pamoralshëm dhe penal që ka kryer.
Nuk pres që ata t’i kërkojnë Serbisë llogari se përse e kreu një gjest të cilin vetë gjykata serbe e shpalli të padrejtë. Përkundrazi pres që të dëgjoj dhe lexoj kudo sesi e përshëndesin aktin e Serbisë. Në një situatë ku drejtësia do të ishte më aktive do të dëgjonim shumë përfaqësues të lartë t’i drejtoheshin Serbisë me këshillën për mos me i përsërit akte të tillë agresioni mbi shtetin fqinj.
Serbia quhet partner i besueshëm sepse bën akte penale dhe ilegale dhe i zbut ato.
Kosova partner i vështirë sepse rrit masën e legalitetit.
Si duket personat më sipër mendojnë se jemi budallenj, por nuk u shkon mendja se janë ata që zotërojnë një inteligjencë të kufizuar.
Nga kjo situatë rrjedh shprehja: mos ma fyej inteligjencën.
