Zëvendëskryeministri i Kosovës, Besnik Bislimi, është shprehur se Qeveria e Kosovës do të punojë në realizimin e zotimeveve të komandatit Adem Jashari… por edhe të komandantëve tjerë që nga koha e Skënderbeut.
Ai këto komente i bëri derisa po bënte homazhe para varrezave të familjes Jashari në Prekaz.
“Në vendin ku më mirë se gjithkund tjetër në Kosovë të dëshmohet sakrifica jonë në këtë ditë të rëndësishme… si Qeveri e Kosovës zotohemi se për 365 ditë të çdo viti do të punojmë që zotimet e komandantit legjendar Adem Jashari, por edhe komandantëve tjerë që nga koha e Skënderbeut, përfundimisht të realizohen,” – u shpreh ai.
