De Bruyne kritikohet nga bashkëlojtari i tij: Për mua janë të rëndësishme ndeshjet e Ligës së Kombeve
Futbollisti i Club Brugge, Brandon Mechele u thirr nga Roberto Martinez për ndeshjet e Belgjikës në Ligën e Kombeve.
Përkundër deklaratave të Kevin De Bruyne, i cili i shpërfilli këto ndeshje të Ligës së Kombeve, 29-vjeçari Mechele ka një mendim tjetër, përcjell GazetaBlic Sport.
“Unë e kuptoj atë që tha De Bruyne për këto ndeshje, por ato janë një mundësi për mua dhe lojtarët e tjerë më pak të përdorur për të treguar veten. Dua të jap gjithçka për të dëshmuar se do të kem një vend në Botërorin 2022”, shpjegoi ai në një konferencë për shtyp.
Gjatë gjithë karrierës së tij në Club Brugge, Brandon Mechele u thirr nga Belgjika në vetëm tre raste. Nëse ai thirret për Kupën e Botës 2022, do të jetë kompeticioni i parë i madh ndërkombëtar në të cilin do të marrë pjesë futbollisti.
