Ministri i Punëve të Jashtme të Serbisë, Ivica Daçiq, vlerësoi se ka një përpjekje të vazhdueshme në bashkësinë ndërkombëtare për të fajësuar të gjithë, përfshirë palën serbe, për krizën në veri të Kosovës, ndonëse është e qartë se përgjegjësia nuk i takon Beogradit, duke shtuar se ka dyshim se plani i kryeministrit të Kosovës Albin Kurti nuk është deeskalim, por përshkallëzim i negociatave të Kosovës.
Daçiq, një ditë pas takimit mes presidentit Aleksandër Vuçiq dhe sekretarit të përgjithshëm të NATO-s, Jens Stoltenberg, si dhe dialogut teknik ndërmjet negociatorëve të Kosovës dhe Serbisë dhe të dërguarit special të Bashkimit Evropian për dialogun, Miroslav Lajçak, theksoi se bashkësia ndërkombëtare, në vend që të bëjë presion ndaj atij që shkakton përshkallëzimin, u bën thirrje të dyja palëve të qetësohen.
“Ju e dini se si shkon, ata fillojnë të negociojnë për diçka konkrete dhe më pas ndodh përshkallëzimi. Pastaj në bashkësinë ndërkombëtare, në vend që të presion ndaj asaj që shkakton këto përshkallëzime, ata i bëjnë thirrje të gjithëve të qetësohen, dhe pala serbe nuk mban asnjë përgjegjësi”, tha Dacic.
Deklaratat e zyrtarëve kosovarë ai i ka vlerësuar si cinizëm suprem. Siç thotë ai, në takimin e fundit në Bruksel, ku ishte e pranishme edhe ministrja e Jashtme e Kosovës, Donika Gervalla, ka kritikuar zyrtarët e Bashkimit Evropian se nuk kanë bërë sa duhet që Serbia ta njohë Kosovën dhe se dialogu po shkon në drejtim të gabuar.
“Ajo ishte aq e pakëndshme sa Joseph Borrell e fiku mikrofonin e saj në fund. Por kjo nuk ka asnjë efekt në fushë”, shtoi Daçiç.
Ai ka theksuar se Gervalla në seancën e Këshillit të Sigurimit ka thënë se Kosova është “pjesa më demokratike e Ballkanit Perëndimor”.
“Dhe ju jeni në dilemë nëse ata vërtet mendojnë kështu, gjë që do të ishte një problem më i madh sesa nëse gënjejnë dhe e bëjnë për qëllime propagandistike. Nëse ata vërtet mendojnë kështu, është një problem shumë më i madh. Populli serb është në një nga periudhat më të vështira në dekadat e mëparshme. Ata kanë përshtypjen se atje nuk ka jetë për të, që është qëllimi i Kurtit”, ka përfunduar ai
