Shefi i ri i Këshillit Evropian, Antonio Costa ka përsëritur se e ardhmja e Ballkanit Perëndimor është në Bashkimin Evropian.
Këto komente Costa i ka bërë në vigjilie të samitit BE-Ballkani Perëndimor që do të mbahet më 18 dhjetor në Bruksel.
Ai ka porositur vendet e rajonit që “të punojnë së bashku” me BE-në.
“E ardhmja e Ballkanit Perëndimor është në Bashkimin Evropian. Është investimi më i rëndësishëm gjeopolitik që mund të bëjmë. Në këto kohë të pasigurta, më shumë se kurrë, ne duhet të punojmë së bashku”, ka shkruar Costa në “X”.
