Zëvendësndihmës Sekretari i Përgjithshëm i NATO-s për Çështje Politike dhe Siguri, Javier Colomina, u takua me kryeministrin e Kosovës, Albin Kurtin, komandantin e KFOR-it, gjenerali Angelo Ristuccia dhe shefin e EULEX-it, Lars-Gunnar Wigemark.
Në një postim në rrjetin social Twitter, Colomina ka thënë se NATO mbështet dialogun dhe planin e propozuar nga Bashkimi Evropian si një rrugë për të ecur përpara.
“NATO mbështet dialogun e lehtësuar nga BE-ja dhe planin e propozuar nga BE-ja për të ecur përpara. KFOR-i do të vazhdojë të sigurojë stabilitet dhe të përmbushë mandatin e saj të Organizatës së Kombeve të Bashkuara”, shkroi ai.
