Ish-presidenti i Shteteve të Bashkuara të Amerikës Joe Biden, është diagnostikuar me kancer agresiv të prostatës, i cili është përhapur në eshtra.
Pas këtij lajmi të hidhur ka reaguar edhe ish-presidenti Bill Clinton.
Ai deklaroi se miku i tij Joe Biden, ka qenë gjithmonë një luftëtar, transmeton Gazeta Papirus.
“Miku im Joe Biden ka qenë gjithmonë një luftëtar. Unë dhe Hillary po e mbështesim dhe po e mbajmë atë, Jill-in dhe të gjithë familjen në mendimet tona”, deklaroi Clinton.
Në SHBA, kanceri i prostatës është kanceri më i zakonshëm dhe shkaku i dytë kryesor i vdekjes nga kanceri tek burrat, sipas Shoqatës Amerikane të Kancerit.
