Nënkryetarja e PDK-së, Vlora Çitaku, ka reaguar pasi zyrtarë të Lëvizjes Vetëvendosje morën meritat për rritjen ekonomike në vend, duke u bazuar në një artikull të “The Economist”, ku në fakt askund nuk përmendej Qeveria Kurti.
Përmes një postimi në Facebook, Çitaku ka thënë se nuk ka asgjë të keqe që institucionet shtetërore të pagujanë për promovimin e Kosovës. Por, ajo ka kritikuar tentimin e deputeteve të VV-së ta shesin artikullin e sponsorizuar si qëndrim të redaksisë së “The Economist”.
“Nuk ka asgjë të keqe kur institucionet e vendit paguajnë për promovimin e Kosovës. Economist Impact ka një seksion ku publikohen artikuj të sponzorizuar nga organizata të ndryshme qeveritare dhe jo qeveritare. Çdo gjë në rregull deri këtu”, ka shkruar ajo.
Tutje Çitaku, ka shkruar se kur botimet e tilla të sponzorizuara promovohen nga eksponentët e pushtetit si shkrime të redaksisë së The Economist, eh në atë rast ose kemi të bëjmë me mosdije, ose propagandë diletanteske, ose te dyjat bashkë.
Ky është postimi i saj në Facebook, pa ndërhyrje:
Nuk ka asgjë të keqe kur institucionet e vendit paguajnë për promovimin e Kosovës.
Economist Impact ka një seksion ku publikohen artikuj të sponzorizuar nga organizata të ndryshme qeveritare dhe jo qeveritare.
Çdo gjë në rregull deri këtu.
Mirëpo, kur botimet e tilla të sponzorizuara promovohen nga eksponentët e pushtetit si shkrime të redaksisë së The Economist, eh në atë rast ose kemi të bëjmë me mosdije, ose propagandë diletanteske, ose te dyjat bashkë.
