Nënkryetarja e PDK-së, Vlora Çitaku, e ka quajtur papërgjegjësi që kryeministri Kurti nuk gjendet në Kosovë që 3 javë rresht, raporton Gazeta Blic.
Përmes një postimi në Facebook, ajo ka thënë se ai në Zvicër ka vizituar një fabrikë të çokollatave në Zvicër, e paska bërë shqiponjën me studentët shqiptarë atje, ndërsa që në Kosovë inflacioni ka kaluar 11%, e sot bordi i AKP-së, i zgjedhur nga Kurti paska shpallur valën e re të privatizimeve.
Postimi i saj i plotë:
E paprecedan dhe tërësisht e papërgjegjëshme që Kryeministri në detyrë tash e tri javë është jashtë Kosovës.
Sot e paska vizituar një fabrikë të çokollatave në Zvicër, e paska bërë shqiponjën me studentët shqiptarë atje.
Vizita në SHBA mund të kualifikohet si studimore, thënë më së buti.
Në ndërkohë në Kosovë inflacioni ka kaluar 11%, e sot bordi i AKP-së, i zgjedhur nga Kurti paska shpallur valën e re të privatizimeve ( kujtoni pak deklaratat e Kryeministrit për privatizimin në Kosovë).
Çitaku: Kurti në Zvicër bën shqiponjën e në Kosovë bordi i AKP-së shpall valën e re të privatizimeve
