Sot në Kosovë na pret mot pranveror. Mëngjesi do të jetë i ftohtë dhe me ngrica, ndërsa dita stabile, me diell dhe vranësira të pakta lokale. Temperaturat minimale pritet të zbresin deri në -3 gradë Celsius, ndërsa ajo maksimale pritet të arrijë deri në 15 gradë Celsius.
Në Shqipëri dhe tërë rajonin tonë pritet të mbajë mot pranveror, me shumë rreze diellore dhe vranësira të pakta lokale. Mëngjesi do të jetë i ftohtë dhe vende-vende me ngrica kryesisht të dobëta, ndërsa dita stabile dhe e ngrohtë.
Edhe të dielën na pret mot i ngrohtë, me erëra jugore e jugperëndimore dhe vranësira lokale.
Të hënën do të kemi shtim të vranësirave dhe rrallë në ndonjë rajon priten reshje të dobëta atmosferike. Përkohësisht do të ketë erëra nga veriu, ndërsa temperaturat shënojnë ulje të lehta.
Nga e marta menjëherë pritet të ketë stabilizim të motit.
