Sulmuesi Callum Hudson-Odoi është afër të largohet nga Chelsea pasi ka arritur marrëveshje personale me Fulhamin.
Anglezi është i hapur për t’u larguar nga “Stamford Bridge”, por shitja e tij është shtyrë shkaku që Chelsea po tenton të fitojë sa më shumë të jetë e mundur.
Javën e kaluar, “Blutë” refuzuan ofertën hapëse të Fulhamit për Hudson-Odoi, me klubet e tjera të Premierligës si dhe Serie A që kanë shprehur interesim.
Sidoqoftë, me situatën momentale skuadra e Mauricio Pochettinos do të detyrohet ta pranojë ofertën e ardhshme të Fulhamit për 22-vjeçarin.
“Evening Standard” raporton se anglezi ka arritur marrëveshje personale me “klubin e ri”.
Hudson-Odoi është duke u stërvitur me ekipin U21, për dallim nga lojtarët e tjerë si Romelu Lukaku, Pierre-Emerick Aubameyang dhe Hakim Ziyech që po stërviten vetëm.
Hudson-Odoi tentoi ta dëshmojë kualitetin edicionin e kaluar duke u huazuar te Bayer Leverkuseni ku zhvilloi 21 paraqitje, por arriti të shënojë vetëm një gol si dhe të dhurojë një asistim.
Dëshira e tij më e madhe mbetet kalimi te Fulhami sidomos pasi trajneri Marco Silva konfirmoi qëndrimin duke i refuzuar 40 milionë funte për sezon nga Al Hilal.
