Nuk ka arritur të marrë Kylian Mbappe, objektivi i vërtetë i merkaots, por Real Madrid do të mund ta ngushëllojë veten me operacione të tjera në merkato.
Nuk ka dyshime se Los Blancos do të realizojnë ndonjë operacion shumë të rëndësishëm përveç atij të lajmëruar të Rudiger, i cili është marrë me kosto zero.
Sipas Goal, në fakt, klubi i Florentino Perez do të ketë në dispozicion një buxhet prej 400 milionë eurosh për të përforcuar skuadrën në merkaton e verës.
Një shumë e tillë është fryt i fitores së La Liga-s, por kryesisht e triumfit të arritur në Champions League, që i ka siguruar klubit 131 milionë euro.
Ndër të tjera, lamtumira e Isco, Bale dhe Marcelo duhet t’i kursejnë madrilenëve rreth 75 milionë euro në rroga dhe këto para mund të përdoren për të rritur rrogat e lojtarëve që do të qëndrojnë, si Vinicius.
Shitjet e mundshme të Jesus Vallejo, Marcos Asensio, Dani Ceballos, Luka Jovic dhe Mariano do të sillnin më shumë likuiditet dhe do ta çonin në 400 milionë euro buxhetin për merkaton.
