Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhunë psikike e fizike nga bashkëshortët e tyre. Ato shpeshherë nuk kanë guxim t’i denoncojnë këto raste në Polici për shkak se përballen me kanosje serioze.
Në Polici kanë përfunduar së fundi edhe një çift nga Lipjani, pasi një burrë dyshohet se ka ushtruar dhunë psikike e fizike ndaj bashkëshortes së tij.
Burimet e Gazetës Sinjali kanë bërë me dije se viktima ka denoncuar rastin pasi ka shkuar te familja e saj në Drenas, ndërkohë që ka marrë edhe ndihmë mjekësore si pasojë e lëndimeve që ka pësuar shkaku i dhunës.
Bazuar në dëshminë e saj, derisa ishin në banesën e tyre në Lipjan, i dyshuari ka eskaluar në dhunë fizike ndaj saj.
Si rezultat i denoncimit, i dyshuari është arrestuar dhe është shoqëruar në stacion policor për intervistim.
Me urdhër të prokurorit, i dyshuari është dërguar në mbajtje, ndërsa viktima ka shkuar te familjarët e saj në Komoran.
