Një burrë në Pejë ka denoncuar në Policinë e Kosovës një grua e cila dyshohet se me forcë ka hapur derën e dhomës së fjetjes dhe ka vjedhur një revole me 15 fishekë.
Rastin, i cili ka ndodhur të hënën rreth orësh 10:00, e ka konfirmuar Policia përmes raportit 24 orësh, ku bëhet e ditur se e dyshuara, revolen që kishte vjedhur ia kishte dhënë më pas të dyshuarit mashkull kosovar, raporton Gazeta Sinjali.
“Ankuesi mashkull kosovar ka informuar se e dyshuara femër kosovare ka hapur me forcë derën e dhomës së fjetjes dhe kishte vjedhur një revole me 15 fishek dhe më pas i kishte dhënë të dyshuarit mashkull kosovar”, thuhet në njoftim.
Revolja me municion është konfiskuar, ndërsa të dyshuarit janë liruar dhe rasti shkon në procedurë të rregullt.
