Bundesliga do të luajë të nënta ndeshjet e fundit të këtij sezoni të magjishëm, ku të gjitha përballjet do të luhen në orën 15:30. E gjithë vëmendja është te dy sfida: Dortmund-Mainz dhe Koln-Bajern Munih.
Një mes Dortmund dhe Bayern do të shpallet sot kampion i Bundesligës gjermane. “Verdhezinjtë” ndodhen momentalisht në vendin e parë me 70 pikë, ndërsa Bajern Munihu në vendin e dytë me 68 piikë. Bavarezët e Tomas Tuhellit shpresojnë te fitorja dhe te një hap fals i Dortmund për t’u kurorëzuar përsëri kampion, por Dortmund është i vendosur me mish e me shpirt për të sjellë trofeun në shtëpi që nga koha e largimit të Jurgen Klop.
Një luftë e hapur është edhe për mbijetesë, pasi janë disa klube që luajnë për të qëndruar në Bundesligë. Herta e Berlinit e ka të sigurt rënien në Bundesliga 2, ndërsa Bohumi, Shalke, Shtutgarti dhe madje Augsburgu duan mbijetesën, por dy prej tyre sot do të presin biletat për një divizon më poshtë.
Augsburgu do të ndeshet me Borusia Mynshengladbahun jashtë, Bohumi në shtëpi kundër Leverkuzenin, Shalke kundër Lajpcigut jashtë dhe Shtutgarti në shtëpi kundër Hofeinhajmit.
