Zëvendëskryeministrja e Kosovës, Emilija Rexhepi, është takuar me homologun bullgar, Atanas Pekanov, me të cilin diskutoi mbi raportet bilaterale si dhe për potencialin që ekziston për thellimin e tyre.
Rexhepi e falënderoi Pekanov për përkrahjen e vazhdueshme të Bullgarisë dhënë Kosovës në të gjitha fazat e shtetndërtimit, përkrahjes për anëtarësim në organizata ndërkombëtare si dhe bashkëpunimin dhe ekspertizën e ofruar në procesin e integrimit europian.
Pekanov shprehu keqardhje për pamundësinë e lëvizjes së qytetarëve të Kosovës në zonën Shengen dhe se kjo padrejtësi duhet të përfundojë sa më parë.
Ai konfirmoi se Bullgaria do të vazhdojë të jetë një prej avokuesve kryesor në procesin e integrimit europian të Kosovës, veçanërisht në përmbylljen sa më të shpejtë të procesit të liberalizimit të vizave
