Futbollsiti i Kombëtares së Shqipërisë, Armando Broja pritet që të largohet nga Chelsea gjatë afatit kalimtar të verës.
Megjithatë, gazetari i Sportekspres, Klaudio Ndreca raporton se Broja pritet të bëjë një takim me trajnerin Enzo Maresca pas Euro 2024, shkruan Indeksonline
Në këtë takim që pritet të ndodh menjëherë pas Kampionatit Europian do të diskutohet e ardhmja e lojtarit shqiptar.
Maresca është një adhurues i Brojës, dhe mund ta ndalojë largimin e lojtarit i cili ka kontratë me Blutë e Londrës deri në vitin 2028.
Kujtojmë që Broja ishte i huazuar te Fulhami, por dështoi ta tregonte potencialin e tij.
