Ikona e muzikës pop, Britney Spears ka njoftuar përmes rrjeteve sociale lajmin se është shtatzënë.
40 vjeçarja përmes rrjetit social Instagram, i ka njoftuar fansat e saj se është shtatzënë me burrin e saj Sam Asghari.
“Kam humbur kaq shumë peshë për të shkuar në udhëtimin tim në Maui, vetëm për ta rifituar atë. Mendova se çfarë ndodhi me stomakun tim, por burri im më tha “Je shtatzënë”, tha këngëtarja.
Spears, e cila ka dy djem adoleshentë, Jaden dhe Sean, me ish-bashkëshortin e saj Kevin Federline, zbuloi gjithashtu se kishte vuajtur nga depresioni gjatë shtatzënisë së mëparshme.
