Në vizitën e ish-presidentit Hashim Thaçi në Burojë, te varri i babait të tij, ditën e djeshme, çdo fotografi profesionale që u bë dhe u shpërnda në rrjetet sociale, kishte një autor të vetëm: Brahim Nura, fotoreporteri i Komunës së Skenderajt, shkruan Gazeta Papirus.
Me përkushtim dhe profesionalizëm, Brahim Nura ishte ndër të parët që zuri pozicion në Burojë për të kapur momentet emocionale kur Thaçi bëri homazh pranë varrit të babait të tij. Fotografitë e tij, të cilat fiksuan ndjeshmërinë e atij momenti, u bënë virale menjëherë, duke qarkulluar në Facebook dhe platforma të tjera sociale.
I pari që shpërndau këto imazhe ishte kryetari i Komunës së Skenderajt, Fadil Nura, dhe nga aty, fotografitë e Brahim Nurës shkuan në duar të shumta, duke i sjellë para syve të publikut një moment të paharruar të historisë së vendit./Gazeta Papirus/
