Shefi i diplomacisë evropiane, Josep Borrell, ka folur pas takimit që ka pasur me kryeministrin shqiptar Edi Ramën.
Ai përgëzoi Shqipërinë si një vend që po ecte përpara sa i përket integrimit evropian.
“Jam shumë i lumtur të shohë se Shqipëria po vazhdon rreshtimin 100% në rrugën evropiane,” – tha z. Borrell në këtë konferencë.
Kryediplomati evropian tha se me Ramën kishin diskutuar edhe për dialogun mes Kosovës dhe Serbisë, duke e falenderuar kryeministrin shqiptar që “po kërkonte të gjente një zgjidhje”.
“Shtetet anëtare të BE-së po e humbin durimin me situatën (në dialog). Falemnderit edhe njëherë z. Kryeministër, z. Edi, për mbështetjen e dhënë.” – vazhdoi tutje ai.
Kryeministri i Shqipërisë e përsëriti idenë e tij për një konferencë me dyer të mbyllura për Kosovën dhe Serbinë derisa të gjejnë një zgjidhje.
Kujtojmë se Rama e ka dërguar një propozim të statutit për Asociacionin e Komunave me Shumicë Serbe në Bruksel.
