Në ditën e dytë të dëshmisë së tij para Dhomave të Specializuara të Kosovës në Hagë, Hazir Borovci, përsëriti se është i bindur në pafajësinë dhe pastërtinë e Salih Mustafës.
Borovci, i cili është dëshmitari i katërt i mbrojtjes së Mustafës, thotë se takimet me të i kishte të shpeshta dhe jo pa shkak.
“E kam thënë dje dhe e them edhe sot e kam pas shok dhe fqinj kemi pasur shtëpitë afër. Se e kam shok dhe fqinj – kjo nuk ndryshon asgjë në dëshminë time”.
“Të vërtetën e kam thënë si atëherë si dje dhe si sot”, tha ai.
Tutje, Borovci thotë se nuk di asgjë më shumë rreth deklarimeve të Salih Mustafës në Speciale, pos atyre që janë bërë publike në media.
A e keni pasur dijeni për deklarimet e Mustafës në ZPS?
“Nuk jam marrë shumë me deklarata, ajo ishte risi që për herë të parë e dëgjova. Përjashto mediat nga të cilat jemi informuar. Mbase duke qenë i bindur në pafajësinë dhe pastërtinë e Salih Mustafës.
“Nga mediat kam dëgjuar dhe lexuar, nuk kam pas asnjë informacion tjetër nga askush”, tha ai
