Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, mirëpriti sot Ambasadorin e Austrisë në Kosovë, George Schnetzer.
Në njoftimin për media thuhet se së bashku kanë biseduar për thellimin e marrëdhënieve të shkëlqyera mes Kosovës dhe Austrisë dhe fuqizimin e bashkëpunimit të dyanshëm.
“Tutje, mes temave të diskutuara përgjatë takimit ishte dhe konstituimi i qeverisë pas zgjedhjeve dhe hapat drejt formimit të institucioneve në legjislaturën e 9-të”, thuhet në njoftim.
Zëvendëskryeministri Bislimi e falënderoi ambasadorin dhe shtetin e Austrisë për partneritetin dhe mbështetjen e vazhdueshme.
