Kryeministrja e Serbisë, Ana Bërnabiq sot pas takimit të presidentit serb Aleksander Vuçiq dhe anëtarëve të Qeverisë me përfaqësuesit e serbëve nga Kosova, tha se Qeveria do të veprojë sipas konkluzioneve të mirtuara në mbledhje.
Ajo tha se ndër to është formimi urgjent i Bashkësisë së Komunave Serbe, si dhe tërheqja e njësisë speciale policore nga veriu i Kosovës- raporton Kosovo Online.
“Ky është një nga rastet e rralla kur kanë ardhur të gjithë ministrat. Kjo tregon se sa e rëndësishme është Kosova për ne, popullin tonë dhe çfarë thoni ju. Do të veproj me të gjithë ministrat sipas konkluzioneve të miratuara. Ne do të vazhdojmë të punojmë për këtë”- tha ajo.
Ajo kërkoi nga serbët e Kosovës që të llogarisin në qeveri, ashtu siç llogarisin te presidenti.
“Ne do të bëjmë gjithçka që ju nevojitet, për të parë që jemi gjithmonë pranë jush”- tha ndër të tjera Bërnabiq.
