Postimi i Kimete Berisha:
Tradhtari fatlum!
…kapërcen veç me një të shame!
Duhet të jesh i lindur në natën e madhe…të kesh shumë fat që ta tradhtosh popullin,
t’i mashtrosh,
t’ua nxishë jetën,
t’i varfërosh e t’i shkatërrosh
dhe në fund të përfundosh me një t’shame standarde.
Emri nuk iu përmend, por po merret me mend kush është tradhtari!!
Se, tradhtia dënohet me burg.
Të ishte Kosova shtet real, Albin Kurti do të hetohej për devijim, për mashtrim kolektiv dhe për tradhti kombëtare.
Tradhtia dënohet edhe me ferr letrar, edhe me ferr fetar.
Dante me Virgjilin s’kanë pasur rahmet për tradhtarët.
Dante i ka dërguar tradhtarët në rrethin e nëntë qendror të Ferrit.
Ata që kryejnë tradhti (meshkujt kryesisht janë tradhtarë), dënohen shumë rëndë në një liqen të ngrirë (mund të jetë Ujmani – ku mund ta dimë ne), e të ruajtur nga një djall i tërbuar, që dihet se është me prejardhje serbe!
Të ndarë në katër sesione të quajtura Mimozeja, Gadafeja, Bislimeja dhe Zymbyleja, tradhtarët mbështjellën në akull gjithnjë e më thellë.
Tregohet se kur tradhtarët bëhen akull, i vendosin para diellit, i shkriejnë, në mënyrë që t’i ngrijnë nga e para…në pafundësi.
Kjo quhet ndryshe, ngrohja globale e ferrit, faza kur shkrihen tradhtarët e ngrirë.
Pra, Dante dhe Virgjili kanë qenë të pashpirtë ndaj tradhtarëve, e ne shqiptarët me tradhtarët veç bëhemi nervoz, nuk i ndëshkojmë.
Se, as nuk dimë t’i dallojmë mirë nga heronjtë.
P.S.,Gjyshja e kishte porositur një grua t’ia punonte një xhemper prej leshi.
Kur pas një muaji ia solli xhemperin në shtëpinë e fëmijërisë, ishte mbrëmje, atëherë kur gjithçka duket bukur – pa hije.
Isha shumë e vogël por nuk e kam harruar kurrë porosinë e gruas që ia tha gjyshes sime, e cila ishte aq pedante, sa kurrë nuk i pëlqente plotësisht asgjë.
Kur ia mori paratë për punën që e kishte kryer, i tha: ‘shaj e mos më nëmë’.
Kushdo që të lëndon, vet me vete edhe e shan edhe e nëmë.
Nëma është e rëndë.
Nëma ta heq copë.
Më kanë sharë shumë, por vetëm FXharra më ka nëmur.
Burri plak që nëmë duhet të ndjehet plakë.
Duhet të mbash kapuç kur nëmë…plus.
Nëma e tij (koment) ishte neveritëse dhe barbare – sepse burrat nuk nëmin – burrat shajnë.
Ata që kanë takat dhe rrugëdalje, ata të shajnë.
Ata që janë të mundur, të dorëzuar dhe pa shpresë – ata të mallkojnë.
E të parrugëdalje në Kosovë janë të moshuarit, sidomos gratë…
Sikur ta dinte Albin Kurti se sa shumë njerëz e nëmin, s’do ta merrte gjumi.
Atë ditë, kur deputetët e Vetëvendosjes refuzuan t’ua pranojnë stazhin e viteve të 90’ta dhe kur nuk ua rritën pensionet – kam dëgjuar mallkime nga të cilat çelet toka!
…më së keqi është të jesh tradhtar.
Tradhtia për shamje është.
P.S. Agjërim të lehtë!
