Analistja Kimete Berisha ka ironizuar me postimin e burrit të presidentes Osmani, Prindon Sadriu, i cili nxori disa konkludime të çuditshme se Osmani e ka quajtur “kriminel lufte” Vladimir Putinin para presidentit të SHBA-ve, Joe Biden, dhe se kjo sipas tij ka qenë e sinkronizuar.
Sipas Berishës, Osmani “do të pyetet” nga agjentët se ku e di ajo para presidentit Biden se Putin është kriminel lufte.
Në postimin e saj, ajo i ka supozuar disa pyetje në formë ironie të cilat do të mund t’i parashtroheshin Osmanit në lidhje me këtë çështje nga agjentetët e CIA-s.
Postimi i plotë i Berishës në Facebook:
Nesër, CIA-ej i shkojnë në zyre Osmanit, me pyetjet:
– Për kë punon Ti?
– Ku e dite ti para Presidentit Biden se Putini është kriminel?
– Kush qëndron prapa gjenialitetit dhe guximit tënd?
– Si ndodhi që Ti di më shumë se CIA?
– A e ke njeriun tënd në Kremlin?
Nëse po, kush është ai?
Edhe FIB-in e ke lënë pa koment.
– A je njeri si të gjithë ne, apo je e mbërrirë! Trego drejt!
– Kush të jep informata Ty?
– Pse Putini nuk ta kthen fjalën veç ty?
– A e di Ti kur përfundon lufta në Ukrainë?
Trego drejt, mos na nënvlerëso!
Shfrytëzoje superioritetin tënd për të mirën e planetit!
– A do t’i përdorë Rusia bombat atomike, dhe nëse po, sa copa?
– A është Amerika në rrezik?
Nëse po: Çka duhet të bëjë Presidenti Biden për të dalë nga situata?
Na ndihmo, të lutemi! E ke shansin ta shpëtosh njerëzimin!
P.S. Osmani: ‘Patjetër’!.
