- Deputeti nga radhët e Partisë Demokratike të Kosovës, Hisen Berisha ka reaguar pas publikimit te raportit te FMN për Kosovën.
Postimi i tij
- Bie edhe një mashtrim i Qeverisë Kurti 2
Përmes një raporti, Fondi Monetar Ndërkombëtarë “Pikëpamja Ekonomike Botërore”, e demantoj propagandën e Qeverisë Kurti 2 dhe vetë kryeminstrin e shpuren e tij qeverisëse lidhur me rritjen ekonomike, duke e cilësuar si rritja ekonomike më e vogla në 10 vitet e fundit.
Pra jo që nuk ka rritje dyshifrore, prej 10% siç propagsndohet nga Kryeministri e qeveritarët e tij, por sipas Bankës Botërore për këtë vit, parashikimi që ishte dhënë në Janar, prej 3.8% ka shënuar një rënie prej 1 %.
Pra në raportin e muajit Prill, Kosova pritet të ketë një rritje ekonomike prej 2.8 % për ketë vit. - Deficiti aktual tregtar i Kosovës, që ishte 9.1%, si përqindje e GDP-së më 2021, parashikohet të bjerë në 8.9 për qind më 2022, para se të zvogëlohet edhe më shumë në 7 për qind më 2023.
Çmimet kanë fluturuar dhe në projeksionin e FMN-së për këtë vit rritja e çmimeve është enorme dhe e papërballueshme nga qytetarët e varfëruar e me pagat më të ulëta.
Kryeministri i Kosovës, Albin Kurti, gjatë vitit 2021 s’kishte lënë konferencë e intervistë për media të huaja e vendore pa propaganduar se Kosova nën qeverisjen e tij ka shënuar një rritje ekonomike të jashtëzakonshme 10% të GDP. - Na kujtohen fjalët e KM Kurti, citoj: “Këto paralajmërimet ogurzeza për rritje të çmimeve kanë efekte negative dhe kanë për synim prej dikujt edhe të ngjallin panik. Rritja ekonomike tek ne ka ndodhur sepse qytetarët kanë shpresë e mendojnë të ardhmen më të mirë se të tashmen dhe më shumë preferojnë të shpenzojnë sesa të kursejnë. Kur e mendon të ardhmen më të errët sesa të tashmen preferon të kursesh për ditë të zeza, ndërkaq kur e mendon të ardhmen më të ndritshme se të tashmen preferon të shpenzosh sepse ka parashikueshmëri pozitive dhe nuk ka rrezik negativ. Kundërshtarët e Kosovës kanë interes që qytetarët të mos shpenzojnë por të kursejnë”, kishte potencuar me sarkazmë e tallje me mjerimin qytetar, KM Kurti, në Tetor 2021.
Kryeministër, ekonomia nuk rritet sipas pritjeve, apo me logjiken diktatoriale në ekknomi. (Shoku Enver ka nevoj të bjerë shi i thanë! E po le të bjerë çfar pret, le të bjerë shiu). - /Gazeta Papirus/
