Protesta e organizuar sot në kryeqytet nuk kishte pjesëmarrës vetëm qytetarë, por edhe anëtarë të partive opozitare.
Anëtarë të PDK-së dhe AAK-së, kishin zgjedhur të protestojnë bashkë me qytetarët tjerë, shkruan Gazeta Papirus.
Lidhur me protestën, Gazeta Papirus ka pyetur deputetin e Partisë Demokratike të Kosovës, Hajdar Beqa se si parti a janë të kënaqur me numrin e protestuesve dhe në rast se mbahen zgjedhjet, bazuar në numrin e qytetarëvë dal në protestë sot a do t’i fitonin zgjedhjet.
Deputeti tha se protesta e organizuar sot nuk është thirrur nga Partia Demokratike e Kosovës, megjithatë e vlerëson organizimin e saj për të shprehur pakënaqësinë e qytetarëve që sipas Beqës po bën kjo siç e quajti ai “Qeveri e keqe”.
“Kur ka qenë PDK-ja organizatore e protestave e e keni parë se nuk i ka zënë sheshi i Prishtinës qytetarët e Republikës së Kosovës. Protesta e organizuar sot është një hap i mirë drejt demokracisë, teksa nuk ka ndodhur asnjë incident dhe kjo është për tu vlerësuar dhe përgëzuar për ta rrëzuar një Qeveri e cila po mundohet të ia humb vlerat e UÇK-së, tha deputetit Hajdar Beqa për Gazetën Papirus.
Deputeti shtoi se PDK-ja nuk i ka fituar asnjëherë zgjedhjet me protestë dhe nuk është organizim i partisë, megjithatë deputeti u shpreh se herdokur që mbahen zgjedhjet PDK-ja do të jetë fituese.
Tutje, Beqa shtoi se pavarësisht se a ka protesta apo jo Qeveria Kurti 2 është e rrëzuar.
/Gazeta Papirus/
