Ish kryetari i Skenderajt, Bekim Jashari sot ishte në vizitë tek Salih Salihu 94 vjeçar, babai i dëshmorit Idriz Salihu, të cilin çetnikët serb e vranë para syve të tij.
Me bacën Salih biseduan rreth luftës sonë heroike, sakricës së popullit për Liri e Pavarësi dhe sot për të rinjtë, për ikjen e të cilëve nga Kosova axha Salih është i shqetësuar aq shumë.
Në odën e axhës Salih gjatë luftës së fundit kishin qëndruar e ushqyer ish ushtarë e dëshmorë të Ushtrisë Çlirimtare të Kosovës, duke u nisur nga Mujë Krasniqi, Fehmi e Xhevë Lladrovci dhe shumë e shumë ushtarë tjerë, por që fatkeqësisht tash e 23 vjet pas luftës oda ka mbetur e pa renovuar dhe pa përkujdesje institucionale.
“Axhën Salih e kam vizituar edhe më herët por rrëfimet që sot ai bëri për sakrificat e tij do të mbesin gjatë në kujtesën time. Shëndet të plotë për axhën Salih kurse djalit të tij Idrizit lavdi të përjetshme!”, ka thënë Jashari.
