Deputeti i Aleancës për Ardhmërinë e Kosovës, Bekë Berisha ka komentuar punët e Qeverisë Kurti si dhe të ministres së Punëve të Jashtme të Kosovës, Donika Gërvalla.
Berisha për Gërvallen ka thënë se nuk ka sjell asnjë njohje, dhe sipas tij nëse Gërvalla do të jetë edhe 100 vjet në ministri, nuk ka më bërë asnjë punë të hairit.
“Si ministre ka qenë shumë e dobët. Nuk ka sjell njohje. Edhe 100 vjet me qëndru ministre, s’ka me bë ndonjë punë të hairit.” – ka thënë Berisha.
Ai tutje ka thënë se Qeveria e Kurtit nuk ka bërë asnjë punë që vlen të përmendet.
Berisha ka përmendur vetëm urën në Saradran, duke thënë se ende nuk është kryer.
“Qeverisja e Kurtit, qeverisja 2, qeverisja dy vjeçare, tashmë jemi duke e përballur në Kuvend. Prej deputetëve të ndryshëm po thuhen dështime të shumta. Po tuhasje nuk ka asnjë hajr, asnjë punë që vlen me përmend. Projekti më i madh i kësaj qeverie është ura në fshatin Saradran, për të cilën ne po thojmë që e ka bërë një urë, por ajo nuk është kry hala, është mirë me kry.” – ka thënë Berisha për Lajmin.net.
