Partia Socialiste edhe pse numërimi nuk ka përfunduar, është fituesja absolute e zgjedhjeve lokale në Shqipëri.
Partia e Edi Ramës po kryeson në shumicën e bashkive të mëdha. Madje, edhe në disa që kanë qenë bastione të Sali Berishës dhe Partisë Demokratike.
Shkodra është rasti konkret. Me 124 qendra të numëruara nga 247, kandidati i PS-së në Shkodër, Benet Beci, po kryeson bindshëm. Ai ka 60.19% të votave, për dallim nga Bardh Spahia që ka 39.81% i koalicionit “Bashkë Fitojmë”.
Numërimi është afër fundit edhe në Tropojë, një tjetër bastion i Sali Berishës. Nga 38 qendra votimi, atje janë numëruar 30. Kandidati i PS-së, Rexhë Byberi ka fituar 51.88% të votave, kurse kandidati nga “Bashkë fitojmë” ka 48.12%.
Këto zgjedhje po vlerësohen si një nga goditjet më të rënda të opozitës në Shqipëri.
