Në shumë raste në opinion publik, kur përmendet emri i komandantit legjendar Adem Jasharit, diskutohet edhe për pikpamjet e tij politike, e që njerzit ndahen në dy grupe ata që thonë se Adem Jashari ka qenë në LDK, dhe ata që e mohojnë këtë.
I fundit që ka folur rreth kësaj teme, është ish-kreu i LPK-së, Bedri Islami i cili me siguri të plotë thotë që Adem Jashari nuk ka qenë asnjëherë në LDK.
“Adem Jashari nuk ka qenë asnjëherë i LDK-së, absolutisht. Ai ka qenë i gatshëm të bashkëpunojë me çdo njeri të LDK-së vetëm për interesin e Kosovës. Sali Çekaj është një figurë interesante, që ka qenë kundër vijës së vetë politike, sepse LDK gjithëmonë ka shiku zgjidhjen përmes paqes, ai kur u lodh zgjodhi luftën. Të gjitha grupet që kanë qenë në Shqipëri për stërvitje, në përjashtim të grupit të Zahir Pajazitit dhe grupit të Adem Jasharit, ose janë zbuluar sapo kanë hyrë në Kosovë, ose kanë marrë arratinë dhe kanë dal në Zvicër ose Gjermani”, është shprehur ai në emisionin “n’Demos”.
Islami ka kritikuar edhe Qeverinë Bukoshi për ndihmën e pakët të ofruar për UÇK-në.
“Sapo Adem Jashari u kthy në Drenicë, ndodhi rrethimi i parë i tij, më 30 dhjetor u qa rrethimi dhe pastaj filloi riorganizimi. “Veshi” është pseudonimi i Ramiz Lladrovcit, ai ka qenë njeri i besuar i Adem Jasharit, atë e ka caktu si përfaqësues të tij në Perendim. Unë kam pasur lidhje të vazhdueshme me familjen e Adem Jasharit, jemi miq ata kanë qenë në shtëpinë time disa herë, edhe unë kam qenë tek ta, por më themelorja se sa kujt i takonte ishte motivi që kishin, në lidhje me qeverinë Bukoshi, Rifat Jashari i ka disa deklarata, Bukoshi ofronte deri në 30 mijë marka në muaj e që vetëm një apo dy herë i kishte dhënë, dhe aludonte në gjëra tjera që nuk ishin në programin e organizatës”, ka përfunduar ai
Emisioni i plotë:
