Barcelona tashmë ka nisur punën që të shet disa lojtarë në afatin kalimtar veror.
Një ndër ta padyshim është mbrojtësi Clement Lenglet, që është titullar te Tottenhami dhe ka shumë gjasa ta vazhdojë qëndrimin aty.
Drejtuesit e katalunasve në orët e fundit kanë kontaktuar me skuadrën londineze për të avancuar me negociatat, duke i paralajmëruar se ka klube të tjera të interesuara.
Francezi e la Barcelonën për t’u huazuar te Tottenhami pa ndonjë opsion blerje dhe tani duan ta bindin për të qëndruar por një gjë e tillë nuk do të jetë e lehtë.
Ishte Antonio Conte që e kishte bindur që të bënte hapin për kalimin te Tottenham, mirëpo tani që ai është shkarkuar ka komplikuar situatën.
Tekniku italian e shihte qendërmbrojtësin si të padiskutueshëm, me Lenglet që nisi të rigjejë formën e dikurshme që kishte te Barcelona.
Barcelona është e hapur për shitjen sa më parë të lojtarit dhe shpreson ta mbyllë një marrëveshje për 12 milionë euro, edhe pse kur e kishin transferuar nga Sevilla kishte kushtuar plot 35 milionë euro.
Ideja e dy klubeve është “PO” negociatave, me mbrojtësin e di që nuk ndodhet më në planet e Barcelonës dhe duhet me patjetër të largohet.
Interi kishte pyetur për Lenglet para disa javëve, mirëpo Barcelona dhe Tottenham synojnë ta mbyllin një marrëveshje në muajt e ardhshëm.
