Pas mbylljes së votimeve për balotazhin në Turqi dhe nisjes zyrtarisht të numërimit, kanë dalë në dritë edhe rezultatet e para deri më tani.
Dy agjencitë e lajmeve turke, Anka dhe Anadolu janë duke raportuar vijimësinë e numërimit të votave, por deri më tani numrat e tyre janë shumë të ndryshëm.
Anka i jep Kemal Kilicdaroglu epërsinë bazuar në 42% të kutive të votimit të hapura, me 50.87%, ndërsa Anadolu i jep Erdoganit një epërsi të madhe prej 57.09% kundrejt 42.91% të Kilicdaroglu, sërish bazuar në hapjen e 42% të kutive të votimit.
Përqindja të cilës i referohen të dyja palët ka të bëjë me 192,214 kuti votimi të numëruara deri më tani.
