Ballkani i Suharekës do të debutojë sot në Ligën e Konferencës, teksa do të përballet me ekipin rumnun, CFR Cluj.
Tashmë janë publikuar formacionet zyrtare nga të dyja skuadrat.
Ilir Daja sonte do të startojë nga minuta e parë me Frashërin si portier kurse në mbrojtje të rreshtuar janë katërshja: Armend Thaçi, Dellova, Jashanica dhe Astrit Thaçi.
Mesfusha e Ballkanit përbëhet nga treshja Korenica, Zyba dhe Emerllahu ndërkaq në sulm Daja ka startuar me Gripshin, Rrahmanin dhe Krasniqin.
Mungesë e rëndësishme për Ballkanin do të jetë kapiteni i skuadrës, Edvin Kuc.
Pra, përveç tij, formacioni i kampionëve të Kosovës është i njëjtë me atë të ndeshjeve ndaj Shkupit.
Ndeshja Ballkani – Cluj do të fillojë në ora 18:45 në stadiumin “Fadil Vokrri” në Prishtinë.
