Deputetja e Lidhjes Demokratike të Kosovës, Hykmete Bajrami ka shkruar në lidhje me vendimin e ZRRE-së për shtrenjtimin e energjisë elektrike.
Në një shkrim në rrjetin social Facebook, ka reaguar pas deklaratës së kryetarit të bordit, i cili tha se me rritjen prej 15 për qind, nëse është paguar 50 euro, tani do të paguhet 58 euro.
Bajrmai ka përmendur se shumica prej familjeve paguajnë më shumë se 50 euro në muaj për energji elektrike.
“Rritja prej 15% e çmimt të energjisë për shpenzuesit komercial (bizneset) është drejtpërdrejtë kosto shtesë për të gjitha produktet dhe shërbimet e tyre.
Rritja e çmimit të energjisë është goditja e parë, por jo e fundit, sepse kur bizneseve u rriten shpenzimet, atëherë çmimet e të gjitha produkteve bazë do të rriten përsëri si: çmimi i bukës, qumështit, vajit, sheqerit, transportit dhe çdo produkti tjetër të domosdoshëm për jetesë.
Pra, standardi i jetesës në vitin 2025 do të jetë më i ulët se ai i vitit 2020.
Shto këtu faktin se ZRRE-ja po i hedh në treg të hapur 1000 kompanitë më të mëdha të vendit. Sipas vendimit të ZRRE-së nga 1 qershori i këtij viti KESCO nuk e ka obligim t’i furnizoj më me energji elektrike këto kompani, ato duhet ta blejnë energjinë në tregun e hapur. Praktikisht kjo do të thotë se këto 1000 kompani nuk mund ta blejnë energjinë që prodhon KEK-u, por duhet të blejnë energji të importuar me çmim se paku dyfish me të shtrejt (shih çmimet në bursë), me që rast një pjesë e tyre edhe mund të falimentojnë, disa do të përfundojnë me largim nga puna të punëtorëve për të ulur shpenzimet, e të gjitha do të detyrohen t’i rrisin çmimet për të mbijetuar, gjë që do t’i bëj ato jo konkurruese në tregun vendor dhe atë ndërkombëtar, rrjedhimisht kjo qon deri te lulëzimi i importit edhe ashtu tepër i lartë”.
Tutje, Bajrami ka thënë se nga ky vendim përfiton KESCO dhe tregtarët e energjisë, apo siç i quante Kurti në opozitë “mafia energjetike”.
“Pyetja: Kush përfiton nga ky vendim?
Përgjigja: KESCO dhe tregtarët e energjisë, apo siç i quante Kurti kur ishte në opozitë: “mafia energjetike”.
Është e qartë se zbatimi i këtij vendimi çon drejt rrënimit të ekonomisë dhe mirëqenies së qytetarëve”.
